上回講到，筆者於2012年在國內做「納米型」發展商起樓，差啲連渣都冇埋，好彩有高人相助，最後在15年中有驚無險完成整幢住宅項目。起完樓冇嘢搞又身痕，手揸相當數量物業的我，在香港已難再入貨，唯有在海外尋找機會，最終飛到去世界的另一端—加拿大。

話說筆者於15年暑假和家人去美加遊覽，順道探訪好友聚舊，先去西岸的溫哥華、西雅圖，再飛東岸的紐約、波士頓、華盛頓及多倫多。所到之處都不忘四出睇樓，了解當地的房地產走勢，發掘海外投資機會，而終極置業目標當然是筆者的第二個家—多倫多。
 
旅程第一站是溫哥華，當我到達機場後，我的老外大學同學就接我一家到他在列治文市的3000多呎大屋住幾天，到達時我見他部份傢俬正在包箱，我便問他將搬家嗎？他說這間屋已賣了，還有一個月就要成交。我再問他價錢好嗎？打算搬去哪裏？

他興奮地說:「層樓起95年以40萬加幣買入，宜家以200萬賣出，都算幾好價。其實我想搬好耐啦，你知嘛，我住喺度完全感覺唔到自己住緊喺溫哥華，唔知仲以為自己住喺北京，成條街啲人都係講普通話，我反而變咗做少數族裔。我真係唔係好明點解我哋啲樓會咁值錢，你要嘅我咪賣畀你囉，我又唔係一定要住哩區。200萬喺加拿大真係好好洗，我用其中100萬在距離市中心1小時車程嘅亞博斯福市買返一棟比現在還要大多1,000呎的獨立屋，餘下的就打算買股票食息過埋下半世。問心果句，我又真係好鬼多謝你哋啲中國人出咁高價買我層樓，如果唔係我都唔知幾時先可以退到休！」
 
他一番肺腑之言真是發人深省，亦令我回想起著名作家Thomas L. Friedman於05年所寫的書 「The World is Flat」( 世界是平的)，意思是指全球經濟將無可避免地一體化。現在經濟不單已一體化，投資亦已是全球化，不分地域，不分國籍。我等港人可以買全球任何一個角落的物業，但全世界的人亦可來港投資置業。大家要明白，今天我們上車買樓要面對的不單只是住在香港的730萬人，而是來自全世界能負擔得起港樓樓價的有錢人。
 
除著香港經濟持續發展，世界金融中心地位越穩固，未來樓價將更高。筆者完全想像得到部分港人的未來，情況將與我的老外朋友相當近似。當他們十年、二十年後退休，樓價可能再升多一兩倍，到時他們有兩個選擇︰一就是繼續留港居住，與一眾「有錢人」一同負擔高昂的生活費；一係就將已升值多倍的單位賣掉，然後移居到樓價較低的二線城市，如珠海、中山、東莞、惠州等，但如你不喜歡在國內居住，亦可考慮台北、台南、曼谷、吉隆坡等地，到時你手上的錢應該還可以買入一幢更大的房子，餘下的就可以買股票收息慢慢搣，優悠地過埋下半世。但首要條件是你現在必須有物業揸手，才能享受未來樓價的升幅，否則未來樓價升幾多都與你無關！
 
今天樓價雖然已相當高，但未來將會更高，因此如果你有能力，又有自住需要，又或是想未來有一個較理想的退休生活的話，在這全球還持續量化寛鬆的亂世下，買入磚頭仍是正確的選擇。