如果有細心研究日本文化，應該會發現東京同大阪有少少唔同。

比較傳統嘅日本人都會集中喺大阪，你睇和服出現比率都估到。仲有就係當你搭電梯嘅時候，喺東京就會企埋左手邊，喺大阪就會企喺右手邊。其實呢一樣反映緊東京係一個後來居上嘅經濟集中區。而係幾百年前，日本經濟重鎮一直喺大阪， 點解我咁講？

因為以前做生意嘅人，大部分都會去咗大阪，而啲商人為咗怕俾其他人搶走啲現金，會將自己企埋度牆度行路，而因為右手係慣用手。為咗保護自己口袋裏嘅錢包，通常都會擺喺右手邊而自己在靠右面牆行，減少被搶劫嘅危險。

東京係近呢一百年先至發展起來，嗰時教育已經好好，社會冇咁多土匪，所以就冇呢個情況。亦都因為咁，好多傳統建築物都保留咗喺大阪。而日皇每一年唞暑都會去大阪嵯峨野既嵐山，因為呢一種慣性，令到好多日本人退休都想喺京都嗰度定居 (京都呢啲遲啲會再講)。

講咗咁耐究竟我想講乜？因為有讀者問， 點解大阪買樓，上一手業主唔會退返租客嘅按金？但係東京就會？

其實呢啲因素都係文化嘅差異，呢個文化差異係去到東京同大阪嘅文化差異，因為東京難聽啲講句比較現實，著重效率。一買一賣冇情感可言，呢個係冇對錯之分，應該係你既就係你。

而大阪的而且確對上個業主，係可以唔畀返租客嘅按金你。佢哋嘅諗法係，佢自己層樓跌咗九成已經好慘。走投無路先賣層樓畀你，唔好咁樣趕盡殺絕好唔好！而呢一樣嘢雖然喺合約上面係冇寫明，但係已經成為一種文化，凌駕法律嘅文化。

既然大阪嘅水位高過東京咁多，有時嗰少少錢，當幫補下佢蝕嘅錢law。升起上嚟都唔至嗰啲按金啦。

仲有一樣嘢就係大阪嘅租客流失率比較低，同中國一樣，東京就好似深圳、北京咁，全國都會湧去做嘢，但係又好快畀人哋cut返走，所以好多時候，啲租客要成日轉嚟轉去。而大阪通常啲租客都會一租就租好長時間。直至你同佢傾完約為止。

我自己嘅經驗，係我每一次喺東京認識嘅人，下年就隨時唔喺度。但大阪由始至終我都冇流失個一個人脈。佢今年喺度，下年都喺度，下下年都係度，甚至乎佢同你講喺嗰度已經落地生根，開支散葉，係唔會走。

呢個係東京樓同大阪樓嘅主要分別。