小弟大概五六年前左右，就去到泰國做生意 。泰國係一啲好特別嘅地方， 由於經濟佢哋搞得真係好差 ，所以基本上20年都冇乜通脹，甚至有通縮 。

如果你用到當地嘅人力 ，其實基本上做一啲有質素嘅產品 ，佢哋嘅成本係最低嘅。 不過因為文化問題 ，尤其係一個佛教國家， 就算法治健全，個法官都係企喺人道立場去判一啲商業糾紛。

最早問我關於泰國樓值唔值得投資嘅人係瑪麗娜 ，因為佢覺得好奇怪點解我喺嗰度做咗咁耐生意，都唔買泰國樓，一啲都唔似我。 其實泰國樓小弟都有研究下，但有幾點就令到我完全冇再研究落去。

第一樣嘢，泰國係好保護自己嘅土地 ，所以基本上一棟樓只能夠有49%嘅業權係海外人渣住。即係話一百個單位只能夠有49個單位係賣畀海外人 ，個問題就係你買嘅時候，點知自己係咪第50個人呢 ？呢一度就有個法律上嘅盲點 ，亦都有一個資訊上面嘅不平衡 。即係話我哋去買樓嘅時候有機會畀發展商呃。

第二樣嘢 ，係近年多咗好多泰國嘅新樓，而佢哋目標嘅租客， 通常都係由日本嚟工作嘅海外人。咁呢度就出現咗一個好奇怪嘅情況，我買海外樓再去租畀海外嘅人，呢樣嘢違反邏輯。

真係target咗海外租客 ，點解唔直接買日本樓？潛台詞即係話，當地並冇咁樣嘅承租力，先至會話畀你聽呢啲樓係租畀海外人。個問題至關重要，但係好多人將個缺點當優點咁樣接受咗。

第三點，泰國樓回報大約係5 ，6厘左右， 但係一吉起上嚟好多讀者朋友係兩年都租唔出去。甚至乎要減6成租 ，先至叫做勉強租得出。仲有要包曬全屋豪華裝修同埋豪華電器 ，重點係豪華兩個字，所以結果係冇五六厘回報。

第四點，泰國嘅樓，呢20年其實只係升咗廿幾個percent 。呢一個根本就唔算係啲乜升幅 ，完全睇唔到點樣有個牛市可以來臨泰國。因為佛教國家真係佛教國家，大部分人有得食有得住就算㗎啦。

第五點 ，如果租客交唔到租，其實基本上法庭係企喺租客嘅立場去判你。所以個租客拍拍蘿柚走，你搞完一大輪矇嘅，其實都會以人道立場去判個租客，唔使罰錢唔使坐監，但係可能分十年甚至二十年慢慢還畀你。每個月大概500泰珠或者1000泰珠，到時真係喊都無謂。

第六點 ，日本嘅日元貶值 ，係為咗吸引外資投資同埋做生意仲有刺激出口；泰國嘅泰珠貶值，係真係因為走資。我睇到嘅係資金四方八面咁樣出走。 因為軍政府上台後，基本上郁啲就涷結你個戶口，再諗辦法沒收。

第七點 ，而家啲發展商係以隔離嘅二手樓價差唔多六至八倍賣畀你，佢梗係諗辦法幫你按揭借錢畀你上車啦！買之前最好問下就近嗰啲泰國人而家啲樓價係幾多 ，你就會發現根本所有人係當你水魚。