大馬唔洗300萬住千呎大屋 買樓撻訂竟唔洗賠？！
筆者選擇舉家移居吉隆坡，一方面是不想小朋友受香港填鴨式教育，每天要做海量功課，及每星期上密集式興趣班。另一方面，是馬來西亞移民門檻非常低，比新加坡及台灣，還要低好多，加上馬來西亞只須做定期存款，便可移居，比較起其他國家的投資移民，肯定安全好多。
筆者兩個囡囡在吉隆坡的生活
還有一點，就是香港樓價，已經升到不是天價，而是癲價！樓價越來越貴，但居住面積就越來越細。10年前，在九龍美孚新邨，300萬港幣可以買到800呎3房單位。但現在300萬，只能買到屯門128呎劏房單位，5步就行晒全間「屋」，比起單人監房還要細，真係同住喺個停車位度，完全無分別，真係可悲！
但在吉隆坡，離雙子塔金融核心區只是16公里，車程約25分鐘，相等香港島「西半山」地段。竟然唔洗300萬港幣，已經可以買到一個，約1,400呎的3房單位，呎價還未到港幣2,000。如果喺香港，可能要發夢，先至有咁嘅可能！
筆者在吉隆坡的居所
而且區內生活同交通配套，都非常之完善，只須約6至8分鐘車程，就已經有4個大型商場、超級市場、地鐵站、戲院加溜冰埸，真係集美食、消聞、娛樂於一身，相當方便！
在馬來西亞置業，跟香港有一個非常的大分別。在香港看中了物業，簽了臨時買賣合約，落了訂金，如果銀行按揭唔批，除了撻訂外還要賠訂賠佣，而且發展商還有權追收差價，損失慘重！如果唔想撻訂，唯有抬多啲首期，去減低按揭成數，再唔係就要搵個肯信你，而又肯幫你嘅擔保人，幫你做擔保。但唔係好多人，能夠臨時臨急，俾得起多一兩成首期，或者找得到擔保人，所以最後都係撻訂收場，將畢生積蓄，一舖輸清。
筆者的廚房比香港不少劏房盤的面積還要大
但馬來西亞就剛好相反，這裡買物業，落了訂金，可以同時向幾間銀行申請按揭，如果幾間銀行都唔批，買家只須付一千幾百手續費，便可全數退回訂金，絕對唔須要賠訂賠佣，所以安全過香港買樓好多。