朋友：  「最近我同朋友去咗睇珠海樓…」

筆者：  「睇咗咩呀？限購喎~~」

朋友：  「代理話係香港人仲可以買嘅公寓。」

筆者：  「哦~~」

朋友：  「幾靚架，橫琴附近，3萬／米，你覺得點呀？」

筆者：  「你睇過現場，你覺得呢？」

朋友：  「代理話將來橫琴好勁，但我就覺得有啲荒蕪。」

筆者：  「係呢…做乜無端端去珠海買樓呢？」

朋友：  「大灣區嘛，港珠澳大橋又就通車，實會爆升啦！」

筆者：  「爆升咗啦！」

朋友：  「係咩？」

筆者：  「兩年幾前我買嗰陣，叫你去又唔去。」

朋友：  「唉…升咗好多咩？」

筆者：  「我買嗰度…兩倍左右啦。」

朋友：  「唔係化？咁而家仲買唔買得過？」

筆者：  「升咗咁多仲買？我就唔追啦~~」

最近大家都很關注…大灣區

時代真的不同了！早幾年筆者與同學們到大陸買樓，個個都當我們是傻瓜，今天聽見政府、傳媒日講夜講，就個個都話要去大灣區，有些朋友甚至不求甚解，見「大灣區」三個字就飛身撲埋去，盲目地買買買，幾年間炒貴咗幾倍都唔知，高價接貨。

珠海嘛…坦白說，遲了！

投資者往往能夠早着先機，散戶往往都是後知後覺。

說的對！大型基建對一個地區當然有正面幫助，尤其是港秼澳大橋這些跨地區，連接深圳、香港、澳門、珠海幾個大城市，當然就更叫座。然而當新聞鋪天蓋地報導的時候，價錢往往已經被炒高、再炒高，尤其是當基建即將落成的時候，更有機會是短期高位，例如近年的港島西線、觀塘延線等等就知道，正當散戶盲目衝入市場，早着先機的投資者已經部署高位出貨了。

過去2年半，樓價已經翻了2倍！

珠海…曾是筆者跟同學們重點出擊的城市！

當時是2015年底，經過一年考察，跑了大灣區好幾個城市，最後我們選定珠海西區出擊，當時我們辦了好幾次睇樓團，短短半年買了近50伙單位，首批買入價不到8,000元／米，即是呎價不到700多元，還要包精裝修！筆者一見到已經雙眼發光，再看看港珠澳大橋如火如荼，就一直買買買，筆者自己買了兩套，當時沒有限購，借貸寬鬆，很容易就借到7成，20多萬首期，就買到千呎單位了！後來珠海樓價急升，2017年初收樓時，已賣到20,500元／米了！後來珠海推出限購壓抑樓價，升幅放緩。今天，由於港珠澳大橋通車在即，市場又再熱炒，恐怕樓價又再推高兩、三成了。

看珠海…可以分開幾個地區睇

一線地區樓價，已經迫近一線城市！

新發展區…上文提到的西區包括斗門、金灣等，再走遠點，去到航空城、高欄港等，都是新發展區，樓價比較便宜。

已發展成熟的地區…樓價更貴很多，例如大家熟悉的拱北，由於連接澳門關閘，是最繁忙口岸之一，優質的新盤已經逾6萬元／米，至於舊城區，例如老香州、吉大等，前者是傳統老城區，人氣很旺盛！後者是金融機構的集中地，亦賣到50,000元／米。

除了深圳及廣州，這個價錢已經貴絕大灣區！

比其他二線城市，例如東莞、佛山等高出一倍！最近筆者睇了幾個位於深圳市中心的新盤，叫價大約9萬／米，珠海的經濟發展仍然是起步階段，無論是人口、產業，發展都未成熟，與深圳的經濟實力作比較，這個差距實在太小了，明顯地，樓價炒得太高了！

橫琴自貿區　被高樓價拖慢發展步伐

最近大家經常聽見橫琴，2015年我們進軍珠海，除了自見港珠澳大橋，亦因為當年中央落實，除了前海之外，增添橫琴、南沙兩個自貿區。當時我們到橫琴睇樓，到處沙塵滾滾，但因為自貿區落實，炒概念！新盤已經賣到4萬／米。當時我們的評是，樓價太高，反而阻礙了企業進駐，拖慢了發展步伐，到了今天，有不少代理推銷橫琴的新盤，叫價仍然差不多，冇乜升過，相信是炒概念炒過籠，所以周圍都倍升，偏偏橫琴唔升。

其實筆者也挺喜歡珠海的，環境不錯，但真的太貴了！

如果買樓自住、退休，挺不錯的，然而如果買來投資的話，以現時的價位來說，確實是炒得太高了，短期水位不多，大灣區有9個內地城市，面積有幾十個香港那麼大，更值搏的機會多着呢，建議你不如先跟我們多走幾個城市看看再決定吧。