有部份投資者都有一個想法，認為喺外國例如澳洲呢啲國家買物業嘅時候，一定要投資在「唐人街」或者叫「華埠」，認為 將來轉手較易；因為佢哋直覺覺得，將來賣樓都可以搵返啲華人接手，容易啲賣出…可能呢個觀點有箇中道理，但係我反而奇怪大家點解要將潛在買家限於華人？

注意華人比例

部分投資者忽略咗一樣好重要嘅事實，就係華人喺呢啲國家嘅人口比例。根據澳洲2015年6月的人口統計嘅結果顯示，澳洲嘅華人 （在中國同香港出生） 總共約50多萬， 即使計埋喺當地出生嘅華人第二代第三代， 甚至加埋由台灣、新加坡、馬來西亞等亞洲國家的華裔移民，大約是100萬左右，而截至2015年澳洲總人口約為2,380萬人。

海外投資者不能承接二手樓

再者，目前海外投資者基本上不能買二手住宅物業，所以大家揀區份買樓時，不要只局限於是否華埠，雖然華埠當然有其優點， 但喺澳洲其實仲有好多值得投資的區份的。

宏觀考慮潛在買家

當你考慮物業容唔容易轉手嘅時候， 亦唔應該只認為華人才是你的買家，而應該考慮整個澳洲的潛在買家。否則，你的物業反而容易變成「只局限於華人才買」的物業呢！