朋友叫我小白，亦有好多朋友稱呼我做「快樂爸爸」，因為我家有一對「快樂姐妹花」。

喺大約3年半前，我一家四口，舉家由香港移居去到馬來西亞吉隆坡。好多朋友問過小白 「香港有咩唔好？點解要出走？」其實香港無咩唔好，但唯獨是教育制度問題，困擾香港家長。

眼見身邊每位朋友的小孩，每天6點起床，6點半上校車，上了一整天課，放學已是下午3點幾，回到家大約4點，放下書包，不是去公園玩或者做吓運動。而是放低書包，便立即去補習，4點補到7點，回家還要沖涼和食晚飯，最快上床睡覺都要10點，如果明天還有默書測驗，溫習到11或12點，才能夠睡覺，但第二天又要6點起床。

差不多每天也是朝6晚10，甚至乎是朝6晚12。每日16至18小時嘅密集式學習，莫講話小朋友啦，就算是成人，也未必頂得住！還有每天最少8-10樣功課，加上無數嘅默書、測驗、考試，還未計星期六、日嘅琴棋書畫班。

以前嘅年代，都是學鋼琴、小提琴。但現今這些都已經太過普通，變為學古箏、琵琶、樹琴、大提琴才會有得加分，而運動方面就由籃球足球，變為攬球，哥爾夫球同冰上曲棍球，總之越冷門，越受家長歡迎。

因為加到分，比小朋友開不開心，對香港家長是更重要！

香港嘅小朋友，一星期七日，應該是不夠用的！這樣嘅學習還境，壓力大到抖不到氣，眼見香港學童嘅自殺數字，每年上升，每天新聞不是學童吊頸便是跳樓，作為一位家長，睇見都心寒！

小白認為，每個小朋友嘅童年只得一次。失去咗，就永遠追唔翻！如果小朋友能夠擁有一個愉快童年，能夠從愉快中學習，才是重點！所以點解我要移居吉隆坡。